Ógn við ESB - aðild ??

Þetta er það sem ég hef verið að skrifa um í bloggi mínu undanfarið, ástæðan fyrir þessum linkindum og undirlægju hætti Samfylkingarinnar og hluta þingmanna Vg er vegna þessa. Það hefur alltaf verið vitað að Bretar og Hollendingar muna ekki hleypa ESB aðild Íslendinga í gegn nema að Icesave málið verði afgreitt á þann veg sem þeim þóknast, og þetta vita Samfylkingar menn ósköp vel. En hefur ríkisstjórn Íslands heimild til að nota framtíð lands og þjóðar sem skiptiminnt í viðleitni sinni til að ganga í ESB, hefur hún fengið óskorðað umboð frá þjóðinni til þess?

Nei umsókn um aðild að ESB er ekki tímabær á meðan Icesave málið er óafgreitt, og það munu aldrei nást hagkvæmir samningar í hvorugu málinu fyrir Íslands hönd meðan verið er að blanda þessum tveim málum saman, það ætti öllum að vera ljóst.

Icesave ógnar ESB-aðild

Sátt að nást ??

Ekki fannst mér nú mikil sátta tónn í þeim félögum Bjarna og Sigmundi í fréttunum í kvöld, það á eftir að koma í ljós hvort það orðalag sem fylgja á fyrirvörunum með samninginum sé í takt við kröfur Borgarahreyfingarinnar og þeirra þingmanna Vg sem hafa verið gagnrýnir á samninginn fram til þessa.

Ég gat ekki betur heyrt á Bjarna en að það orðalag sem lögfræðingarnir settu saman hafi verið til lítils gagns og litlu breitt um túlkun samningsins, einungis smá fágun á því sem þegar var búið að ákveða.

Sátt að nást um Icesave

Leið Bucheits ekki fær?

Enn og aftur kemur fram hörð gagnrýni á hvernig staðið var að þessum Icesave samningi og nú frá einum af hæfustu samninga mönnum heims í svona málum. Hvað þarf að koma til svo að ríkisstjórnin með Steingrím J í fararbroddi hlusti? Er þessi ofur trú á eigið ágæti og trú þeirra á hæfni samninganefndarinnar  sem send var til viðræðna við Breta og Hollendinga slík að menn neita að sjá hið augljósa.  Af hverju er það orðið of seint að taka aftur upp þráðinn við Breta og Hollendinga þegar þjóðin stendur frammi fyrir einni stærstu ákvörðun sem hún hefur orðið að taka frá upphafi lýðveldisins. Liggur virkilega svo á að menn séu reiðubúnir að flana að slíkri ákvörðun og telji sig ekki hafa tíma til að grundvalla ákvörðunartöku sína með hliðsjón af ráðleggingum hæfustu manna.  Af hverju var sú leið sem Bucheits leggur til ekki fær. Er það vegna þess að Bretar og Hollendingar vildu ekki fara hana og samninganefndin tók því bara þegjandi og hélt ekki uppi vörnum fyrir málstað okkar? Af hverju er ekki látið reyna á það fyrir dómstólum hvað okkur ber að borga.  Ég trúi því ekki að sú leið sé ekki fær bara af því að Bretar og Hollendingar vilji það ekki. Hvers lags lýðræðis og réttar skipulag búa þessar þjóðir við? Er það ekki vaninn að leitað sé til dómstóla þegar þjóðríki greinir á. Ég kaupi það ekki að annar aðilinn geti samið leikreglurnar án samráðs við aðra hlutaðeigandi aðila. Nei hér er ekki verið að segja okkur alla söguna eða ástæðuna fyrir því að svona mikið liggur við, enda áttu þingmenn ekki að fá að sjá allan Icesave samningin í upphafi málsins, eða eru menn búnir að gleyma hvaða leynd hvíldi yfir honum í byrjun og gerir að vissu leiti enn?

Leið Buchheits ekki fær

Hiti í grasrót VG:

Nokkuð er það augljóst að VG er klofin flokkur bæði hvað varðar ESB og Icesav málið, það er nú að koma æ betur í ljós. Ég sem fyrrverandi félagi í VG er að skynja að tvær fylkingar eru að myndast í flokknum í kringum þessi mál og virðist sumum vera stjórnarsamstarfið hugleiknara en málefnin sem við er að fást. Í aðdraganda ESB kosninganna á alþingi reyndi grasrótin allt hvað hún gat til að láta í ljós skoðanir sínar á því máli en sumir þingmen VG völdu að hlusta ekki á þær viðvaranir og hunsuðu þær og báru því við að þeir kisu samkvæmt sannfæringu sinni, það var svosem gott og blessað þó svo að sú yfirlýsing og afstaða hefði mátt koma fram fyrir kosningar, í stað þess völdu þessir þingmenn að koma fram undir fölsku flaggi í því máli og hafa valdið flokknum ómældum skaða. Ég er því ekki hissa að mikill hiti sé í grasrótinni, og margir tengja þessi tvö mál saman sem og þau eru. Afstaða ríkisstjórnarinnar og þá aðallega Samfylkingarinnar til Icesave samningsins afmyndast öll í kringum ESB umsóknina þar sem nauðsynlegt er að sem mestur friður ríki í kringum Icesave til að styggja ekki ESB batteríið og Breta og Hollendinga, því án þeirra förum við ekki þar inn svo mikið er víst, en ég held að þingmenn VG séu farnir að áttasig á því að þessi skollaleikur getur orðið þjóðinni dýrkeyptur og því er það orðið spurning hvað langt á að teygja sig til móts við ESB draum Samfylkingarinnar áður en allt er komið á kaldan kol í flokknum og hjá þjóðinni það svo að ekki verður aftur snúið. Þess vegna held ég að þau átök sem birtast innan VG séu fyrst og fremst um hvar eigi að setja mörkin við Samfylkinguna og hversu dýru verði félagsmenn VG og forustan vil borga fyrir ríkisstjórnar samstarfið. þessu þarf að svara og það fljótlega því fyrirtækin og heimilin geta ekki beðið með sín vandamál á meðan þessi skollaleikur á sér stað. Þetta yfirsandandi sumarþing hefur nú að mestu leiti farið í þessi tvö mál, mál sem hafa klofið þjóðina í herðar niður og aukið á sundrung meðal hennar, ríkisstjórnin hefur valið að leggja ofuráherslu á ESB með Icesave tenginguna sem birtast í þeim arfalélega samningi í stað þess að þjappa henni saman til þess að takast á við komandi erfiðleika, og við skulum gera okkur grein fyrir því að framundan eru mikill niðurskurðir hjá ríkinu og hjá heimilunum og því erfiðir tímar framundan og því brýni nauðsyn en oft áður að þjóðin takist á við það verkefni sameinuð en ekki sundruð.

Mikill hiti í grasrót VG vegna Icesave-málsins

Er Ögmundur örlagavaldurinn eða??

Ég fagna því að þingmenn VG skuli kjósa og fara eftir sannfæringu sinni, var ekki einmitt firr í sumar talað um að þeim bæri að gera það. Að Ögmundur og fleiri þingmenn VG skuli ætla að fara þá leið er bara ástæða til að hrósa þeim fyrir. Samfylkingin verður að fara átta sig á því að hún er í tveggja flokka stjórn þar sem hún ræður ekki öllu. En það verður ekki langt í að menn á þeim bæ fara að tala um svik við stjórnarsamstarfið og að þingmenn VG séu ekki hæfir í stjórn, ég veit að Samfylkingunni svíður það að þingmenn VG hafi sjálfstæðar skoðanir og láti ekki kúga sig út í það endalausa. Eins og ég hef skrifað um áður þá þurfa þessir flokkar að fara að gera það upp við sig á hvaða forsendum samstarf þeirra á að vera. Er Ögmundur örlagavaldurinn eða er það þvermóðska Samfylkingarinnar?

Stjórnarsamstarf undir Ögmundi komið

Aftur hótanir.

En og aftur stendur Vinstrigreifinginn grænt framboð frami fyrir hótunum af hendi Samfylkingarinnar um stjórnarslit ef ekki er gert eins og þeyr vilja. Telur nokkur félagsmaður VG að þessi framkoma í garð VG sé uppbyggileg og líkleg til þess að þessi ríkisstjórn ná árangri í störfum sínum, tæpast.

Í aðdraganda ESB atkvæðagreiðslunnar var því haldið fram af stjórninni að sérhver þingmaður ætti að láta samvisku sína ráða för um hvar atkvæði hans lenti í því máli, maður skildi því halda að þá ætti að gilda sömu rök um atkvæðai þingmanna varðandi Icesave samningin og við ESB atkvæðagreiðsluna.

En viti menn þegar líkur voru á ESB færi ekki í gegn um þingið og nú þegar Icesave samningurinn er í uppnámi þá er og er gripið til hótana og men kallaðir inn á teppið til að berja þá til hlýðni, það gerðist í ESB málinu og virðist vera að endurtaka sig nú. Þessi framkoma er ekki til þess fallin að byggja upp trausta stjórnarhætti og tiltrú á ríkisstjórninni, síður en svo og nú þurfa þingmenn VG að gera upp hug sinn og spyrja sig þeirrar samvisku spurningar hvort að samstarf sem er byggt á svona grunni er eitthvað sem þingmenn VG vilja vera hluti af.  Ég efa að ef grasrótin í VG væri því sammála að haldið sé svona á málum fyrir hönd flokksins.

Djúpstæður klofningur hefur myndast innan VG vegna þess hvernig forustan meðhöndlaði ESB málið og ef Icesave málið á að fara í sama farveg þá er hætt á því að flokkurinn klofni endanlega. Ég hef haft spurnir af þingmönum VG sem eru búnir að fá sig full sadda af þessum vinnubrögðum og undirlægjuhætti flokks forustunnar við Samfylkinguna, og má því fullyrða að VG sé á tímamótum hvað einingu og framtíð flokksins varðar.

Ríkisstjórn á suðupunkti

Stöðugleikasáttmáli hvað?

Það má vel taka undir orð Vilhjálms Birgissonar formanns verlýðsfélags Akraness. Kjör launþega hafa vægast sagt versnað herfilega síðustu misserin og eiga eftir að versna enn frekar. Sá stöðugleikasáttmáli sem gerður var fyrr í sumar hefur sýnt sig vera marklaust plagg. Frá því hann var gerður hafa dunið yfir verðhækkanir frá hinum ýmsu aðilum bæði í einkageiranum og frá því opinbera og það með tilheyrandi hækkunum á vísitölunni. Sú skjaldborg sem ríkisstjórnin gaf fyrirheit um að reisa ætti um fyrirtæki og heymili er í versta falli veikburða tjaldborg sem rifna mun fyrstu vindkviðunum þegar frysting gjaldeyrislána linnir og þegar þau hellast yfir lántakendur af fullum þunga. Það verða ekki mörg heimili sem þola munu slíkt áhlaup og með þann launastrúktúr sem nú er verið að innleiða, og með þá veikbyggðu skjalborg sem ríkisstjórnin ætlar þeim til varnar. Hvað ríkisstjórnin ætlar sér þá til bragðs að taka getur maður einungis látið sig dreyma um, en ef dæma má af ummælum félagsmálaráðherra og viðskiptaráðherra þá verður það hvorki mikið eða burðugt.

 

Sáttmálinn marklaust plagg

Staðfestir heildar myndina??

"Staðfestir heildar myndina..." segir Steingrímur J. Hann hefur þá sjálfsagt gert ráð fyrir að stórfeldur fólksflótti gæti brostið á ef Icesave verður afgreitt óbreitt. Hann gerir ráð fyrir því að ekkert sé að óttast við hagvaxtaspár Seðlabankans, þær séu á góðum grunni reistar þó að þar sé gert ráð fyrir mun meiri hagvexti en verið hefur í besta árferði þjóðarbúsins hingað til og hann gerir ráð fyrir að sá hagvöxtur haldist í mörg ókomin ár, en hann nefnir þó í viðtalinu nokkra óvissu þætti svo sem fiskverð og orkuverð og aðgengi að alþjóðlegum lánamörkuðum. Mér er spurn skyldi það hafa verið tekið inn í spána um komandi hagvöxt? Steingrímur segir að ekki sé ástæða til að tala á þeim nótum eins og heimsendir sé í nánd, ekki hef ég heyrt neinn gera það en það kann að hafa farið framhjá mér, nei það er heldur engin ástæða að mála hlutina svo björtum litum að ekkert sé að og ekkert muni breytast hér við það að samþyggja Icesave samninginn. Það þarf að gera raunsæja úttekt á því hvað Icesave samningurinn hefur í för með sér fyrir Íslenskt samfélag til lengri tíma og þá án allra draumóra, því það er ábyrgðarlaust að halda því fram að ekkert muni breytast hér við undirskrift þessa samnings. Sé meiningin að þjóðin eigi að borga þessa óráðsíu þá hún heimtingu á að vita sannleikann og hvað hennar bíður í framtíðinni, ekki einhver gífuryrði um að allt sé í lagi og hún hafi vel efni á því að taka þessar skuldir á sig. Það vill svo til að skuldir landsins eru viðameiri en bara Icesave skuldirnar ef einhver skyldi hafa gleymt því og í hvervulum heimi er ekki ráðlegt að gera ráð fyrir stórauknum hagvexti mörg ár fram í tímann. Var það ekki einmitt svoleiðis hagfræði sem kom bönkunum í koll og það ætti því að vera víti til varnaðar fyrir ríkisstjórnina.

Hvetr er fylgi flokkanna?

Í gær var birt niðurstaða í svokölluðum þjóðarpúlsi Gallup þar sem fylgi ríkisstjórnarinnar var sagt vera 48% en það sem ég sakna þó mest í þessari könnun er að sjá hvaða hreyfing er á fylgi flokkanna, ég held að það sé það sem flestum landsmönnum leikur forvitni á að sjá um þessar mundir. Gallup hefur nú birt skoðanakannarnir um fylgi ríkisstjórnarinnar og hug manna til borgarstjórnarinnar, og nú í dag hvaða hug þjóðin ber til ESB aðildar, hvernig væri nú að birta niðurstöður um fylgi flokkanna, ég trú því nefnilega ekki að það hafi ekki verið spurt um það samtímis en af einhveri ástæðu er sú niðurstaða ekki birt. Hvert er fylgi flokkanna?.

Fylgi ríkisstjórnarinnar 48%

Fleiri andvígir ESB aðild.

Þessi niðurstaða kemur mér ekki á óvart og á andstaðan aðeins eftir að aukast efir því sem líður á viðræðurnar og almenningur sér hvað í boði er.

                       

Fleiri andvígir aðild að ESB en hlynntir

Íslendingar eru frekar andvígir aðild að ESB ef marka má skoðanakönnun Capacent Gallup.

Jón Hákon Halldórsson skrifar:

Alls eru 48,5% landsmanna andvígir aðild Íslands að Evrópusambandinu en 34,7% eru hlynntir aðild samkvæmt skoðanakönnun sem Capacent Gallup gerði fyrir útgáfufélagið Andríki, sem heldur úti Vef-Þjóðviljanum.

Spurt var: Ert þú hlynnt/ur eða andvíg/ur inngöngu Íslands í Evrópusambandið. Niðurstöður urðu þær, að 17,1% sögðust vera „mjög hlynnt", 17,6% sögðust vera „frekar hlynnt", 19,3% sögðust vera „frekar andvíg" og 29,2% sögðust vera „mjög andvíg". 16,9% sögðust vera hvorki hlynnt né andvíg.

Ef þeim, sem völdu svarið „hvorki né", er sleppt úr niðurstöðunum, eru því 58,3% frekar eða mjög andvíg inngöngu Íslands í Evrópusambandið, en 41,7% frekar eða mjög hlynnt.