Þeir hefðu þurft að vakna miklu fyrr!!!!!!

Gylfi og félagar hans í ASÍ hefðu betur eitt meiri tíma í að standa vörð um afkomu launþega á misserum  í stað þess að flandrast um landið og tala fyrir ágæti ESB aðildar sem er beinlínis fjandsamleg verkalýðsfélögum. Sú þjóðarsátt sem skrifað var undir var og er ekki pappírsins virði eins og bent hefur verið á og það af formönnum aðildarfélaga ASÍ. Hér hefur verðlag farið upp úr öllu valdi jafnt hjá því opinbera og í einkageiranum á sama tíma og talað er fyrir launalækkunum. Hvernig getur það komið miðstjórn ASÍ á óvart að heimilin eigi erfitt með að standa skil á skuldum sínum þegar svona er haldið á málum. Vita þessir menn ekki að skuldir heimilanna hafa snarhækkað eftir hrunið samfara því að laun almennings hafa að sama skapi snar minnkað. Það er kannski ekki við því að búast að vel launaðir forystumenn launþegahreyfingarinnar geti sett sig inn í stöðu félagsmanna sinna því svo langt eru þeir komnir frá því að deila sömu kjörum. Þó að nú séu vinstri flokkar við völd í landinu, flokkar sem flestir forystumenn þessara hreyfinga vilja kenna sig við þá er komin tími til að þeir vakni af þyrnirósasvefni sínum og fari að tala fyrir málstað félagsmanna sinna því af þeim eru þeir kosnir og fyrir þá eiga þeir að vinna.

ASÍ: Bregðast þarf við vanda heimilanna