Það er rétt hjá þeim.

Mikið ósköp er samfylkingarmönnum hugleikin sú meinta valdabarátt sem á að ríkja innan Vg að þeirra sögn, af hverju skildi það vera. Það hefur verið öllum ljóst allt frá því að Icesave samningurinn leit dagsins ljós að ekki var samstaða um hann í þingflokki Vg. Í aðdraganda ESB umræðunnar var þingmönnum Vg heitið því að sannfæring þeirra í því máli ætti að ráða við atkvæðagreiðslu þeirra um það mál. Það vita allir sem fylgdust með því máli að svo varð ekki raunin, þingmenn Vg sem voru á móti ESB málinu voru beitir þrístingi og þeim hótað með stjórnarslitum ef þeir gerðu eitthvað sem hindrað gat framvindu þess máls. Sama aðferðarfræðin er nú uppi þegar Icesave samningurinn er borin á borð, semsagt hótanir og yfirgangur. Er nema von að þingmenn sem vilja fylgja sannfæringu sinni spyrni við fótum rétt eins og Ögmundur gerði þegar hann valdi þann kostinn að segja afsér, það færi betur ef fleiri þingmenn gerðu slík hið sama. Það er leit til þess að vita að Samfylkingin skuli meina þingmönnum að fylgja stjórnarskrár bundnum rétti sínum og reyndar skildu sinni að láta sannfæringu sína ráða för í gerðum þeirra á alþingi. Slíkir stjórnunar hættir geta aldrei haft neitt gott í för með sér og það var því einungis tímaspursmál hvenær upp úr siði. Það er einungis til að fagna að þingmenn á borð við Ögmund Jónasson og Guðfríði Lilju ásamt fleirum í þinghópi Vg láti ekki vaða yfir sig og skoðanir sínar jafnt innan flokks sem utan. Kúgun, einelti og hótanir hafa aldrei neitt got í för með sér hvar og hvernig sem slíkt er iðkað. Það er því rétt hjá þeim að þau hefðu ekki verið réttu talsmennirnir fyrir öfl sem svoleiðis hafa hagað sér.

Var ekki heppilegur talsmaður

Hétu stuðningi.

Ekki efa ég að þingflokkur Vg hafi heitið Steingrími J stuðningi sínum til að ná fram viðunandi samningi um Icesave skuldirnar en það er einmitt það sem allt veltur á, verður sá samningur viðunandi. Sú viðleitni ríkisstjórnarinnar að allir stjórnarliðar tali einni röddu í Icesave málinu hvað sem á dynur er ekkert nema óskhyggja ein. Það hefur allt frá því að málið kom fyrst til kasta ríkisstjórnarinnar og síðan alþingis verið ljóst að ekki voru allir þingmenn ríkisstjórnarinnar sáttir við þann samning sem í boði var og á það jafnt við þingmenn úr röðum beggja stjórnarflokkana, þó svo að sumir þingmenn Vg hafi  verið harðari í andstöðu sinni en þingmenn Samfylkingarinnar þá var engu að síður urgur í báðum flokkum. Hvernig Icesave málið hefur síðan velkst í þinginu og hjá ríkistjórninni er öllum ljóst sem fylgst hafa með. Það hafa verið málamiðlanir bæði við stjórnarandstöðuna og stjórnarþingmen sem leiddi að lokum til samstöðu um þá fyrirvara sem settir voru og afgreiddir frá alþingi nú í sumar. Eftir kynningu á þeim fyrirvörum hjá Bretum og Hollendingu hefur komið í ljós að þessir fyrirvarar eru þeim ekki að skapi og ríkisstjórn Íslands því hafið samninga viðræður um nánari útfærslu á Icesave samningnum aftur. Það þurfti því ekki að koma á óvart að ekki voru allir þingmenn stjórnarinnar sáttir við það og vildu að málið færi aftur til þingsins og fengi þar þinglega meðferð eins og eðlilegt getur talist. Það er hinsvegar öllum orðið ljóst núna að það var einlægur vilji þeirra Jóhönnu og Steingríms J að ríkisstjórnin og þingliðar stjórnarinnar töluðu einum rómi þegar málið kæmi aftur til kasta þingsins og að þeyr þingmenn sem voru andvígir málinu á fyrri stigum þess létu af andstöðu sinni. Fljótlega hefur þeim þó orðið ljóst að svo myndi ekki verða og því var það að samfylkingin eða Jóhanna greip til þess ráðs sem svo oft hefur verið notað frá því að þessi ríkisstjórn tók við völdum að hóta stjórnarslitum ef þingmenn ekki létu af andstöðu sinni. Það þarf því ekki að koma neinum á óvart að sá tími myndi koma að þingmenn Vg og í þessu tilfelli Ögmundur myndu segja hingað og ekki lengra, og taka þann kost einan sem hann átti eða að segja af sér ráðherra embætti þar sem þessi stjórnunar stíl er búin að viðgangast allt frá því að ESB málið kom til kasta alþingis og honum sennilega ljóst að honum væri ekki vært í ráðherrasæti áfram. Allt frá því að ESB málið kom til kasta alþingis og reyndar frá því að samið var um það mál í stjórnarmyndun hefur það verið vitað að hluti af þingflokki Vg var andvígur því og sá ágreiningur sem upp kom meðal stjórnarliða um hvernig því mál skildi afgreit og einnig sá þrístingur og hótanir sem þessir þingmenn Vg voru beittir hefur haft það í för með sér að mikil tortryggni ef ekki óvild ríkir nú á milli flokkana og því hótanir ekki vænleg leið til að ná fram stuðningi  við Icesave málsið meðal þinghóps Vg. Ætli Jóhanna og Steingrímur sér að halda saman ríkistjórn Vg og Samfylkingar þá verða þau að átta sig á því að með hótunum og þvingunum verður þeim ekki lengur neitt ágengt. Steingrímur J verður einnig að átta sig á því að framtíð Vg í núverandi mynd er að miklu leiti í hans höndum en ekki í höndum þeirra þingmanna Vg sem vilja þinglega og lýðræðislega stjórnarhætti. Því verður hann að sína fram þingmönnum Vg fram á að hann sé vel að stuðningnum komin.

Hétu öll stuðningi

Kjósa Bretar um Lissabon sáttmálan næst?

Nú liggja ESB sinnar sennilega á bæn og biðja þess að Íslandsvinurinn Gordon Brown og flokkur hans vinni komandi þingkosningar í Bretlandi, því annars er eins víst að önnur atlaga verði gerð að Lissabonsáttmálanum þar sem David Cameron og Íhaldsmenn hafa fullan hug á að leifa breskum almenningi að segja álit sitt á Lissabonsáttmálanum í þjóðaratkvæðagreiðslu. Verða það þá hugsanlega Bretar sem fella þann sáttmála og setja ESB batteríið í uppnám?.

Það er þá kannski eftir allt full snemmt að hrópa húrra fyrir niðurstöðunni á Írlandi.

Cameron áfram gegn Lissabon

ESB fagnar !

Kannski ekki nema von að fagnað sé þar á bæ, því nú er að rætast sú ósk Angelu Merkel sem í forsætis tíð sinni hvatti þær þjóðir ESB sem hafnað höfðu samninginum að greiða um hann atkvæði aftur. Það hefur verið gert í nokkrum löndum en þá án aðkomu almennings í þeim þjóðlöndum, heldur hefur sú atkvæðagreiðsla farið fram á þjóðþingum landanna til að tryggja rétta niðurstöðu. Slík er virðing ESB fyrir lýðræðinu og skoðunum almennings í aðildarlöndunum. Það skal aðeins kjósa í almennri þjóðaratkvæðisgreiðslu í þeim löndum þar sem tryggt er að rétt niðurstaða fæst. Það er núna eitt ár frá því að Írar höfnuðu sama sáttmála og nú var greitt atkvæði um og ekki að furða að hinum almenna borgara hafi ekki fundist ástæða til að mæta á kjörstað þegar svo er farið með lýðræðið. Skildi þjóðaratkvæðagreiðslan um aðild okkar að ESB fá sömu meðferð? Það er full ástæða til að spyrja sig að því í ljósi reynslunar af þjóðaratkvæðargreiðslum sem tengjast ESB..

ESB fagnar írsku jái

Erlendir sérfræðingar nauðsynlegir.

Sökum þess hvað landið er lítið og hversu margir sem nálægt rannsókn þessara mála hafa komið eru á einn eða annan hátt tengdir þeim persónum og stofnunum sem verið er að rannsaka þá er þetta eina leiðin til að rannsóknin sé hafin yfir allan grun. Að fá utan að komandi sérfræðinga til að vinna þetta verk og það menn sem kunna til verka er bráð nauðsynlegt ef vel á að fara.

Joly: Erlendir sérfræðingar væntanlegir

Bretum og Hollendingum sagt til syndanna.

Það var mikið að einhver úr þessari ríkisstjórn segði Hollendingum og Bretum til syndanna, hefði bara mátt gerast fyrr. En gott framtak hjá þér Ögmundur, bara að Vg ætti fleiri svona þingmenn sem hafa þor og dug.

Segir Breta og Hollendinga fjárkúga Íslendinga

Hvað er það sem Steingrímur J skilur ekki?

Hvað er það sem Steingrímur J. skilur ekki þegar þingflokkurinn gefur honum, umboð þarf að útskíra það sérstaklega fyrir honum. Það er augljóst að hann hefur ekki allan þingflokkinn á bak við sig nú frekar en í sumar þegar hann var að reina að troða vondum Icesave samninginum ofan í kokið á þingflokknum. Ég er farin að halda að hann túlki niðurstöður þingflokksfunda Vg eins og honum sýnist og eins og honum hentar. Það er ekki nema von að allt logi í ósætti innan Vg þegar svona er unnið, og með ólíkindum að forustan geri sér ekki grein fyrir því og taki sig saman í andlitinu.

Fyrirvarar á stuðningi við Steingrím

Atli Gíslason, þingmaður VG.

Atli Gíslason, þingmaður VG, segir að þrátt fyrir að Steingrímur J. Sigfússon hafi fengið fullt umboð þingflokksins til þess að halda samningaviðræðum varðandi Icesave áfram, setji hann og fleiri þingmenn flokksins áfram fyrirvara við málið. Atli segir að afstaða sín og nokkurra annarra þingmanna VG ráðist að endingu eftir því hver niðurstaða málsins verði. Þetta kom fram í þættinum Bylgjan í bítið í morgun.

Þingflokkur VG fundaði fram til klukkan tvö í nótt og að loknum fundi lýsti Steingrímur J. Sigfússon því yfir við fjölmiðlamenn að hann hafi fengið fullan stuðning þingflokksins til þess að afgreiða Icesave-málið í samræmi við það sem ríkisstjórnin hefur ákveðið. Atli segir hinsvegar að í þingflokki VG sé uppi ágreiningur um hver niðurstaða málsins eigi að vera.

„Ég, Ögmundur og fleiri höfum fyrirvara á því að málið fái þinglega meðferð. Hann er með umboð til að semja en það ræðst af niðurstöðunni hver afstaða okkar þingmanna verður," sagði Atli.

 

Já njótið þið næturinnar.

Það að Ögmundur sjái ekki ástæðu til að koma á þingflokksfund Vg nú í kvöld og sú staðreynd að hann og Jón Bjarnarson fóru snemma af fundinum í dag segir sennilega allt sem segja þarf um hvernig ástandið á þessum bæ er orðið. Það fór ekki fram hjá neinum sem sá kastljósviðtalið við Ögmund í kvöld að hann var hrakin úr ríkisstjórninni af þeim hjúum Jóhönnu og Steingrími. Það má því með réttu spyrja hvað Steingrími J gangi til með þessari framkomu við flokkssystkini sín. Metur hann trúnaðinn og tryggðina við Samfylkinguna meyr en trúnaðinn við sitt eigið fólk. Af því sama mætti reyndar spyrja fleiri úr forustu Vg. Haldi þessu áfram þá er Vg flokkur í upplausn.

Þingflokkur VG á fundi

Ögmundur á hrós skilið.

Það færi betur ef fleiri úr þingflokki Vg hefðu sömu einurð og stæðu við sannfæringu sína og bitu frá sér í stað þess að skríða fyrir þeim hjúum Jóhönnu og Steingrími J.  Félagar þeirra í grasrótinni yrðu að minnstakosti sáttari við þau vinnubrögð, svo mikið er víst. Draumurinn um ráðherrastóla og Vg í ríkisstjórn með samfylkingunni ætlar að verða flokknum dýrkeyptur. Ögmundur á því hrós skilið fyrir að vilja ekki gefa afslátt á sannfæringu sinni.

Var ekki að fórna sér

Mun ríkisstjórnin lifa af ?

Guðfríður Lilja þingflokks formaður Vg telur að ríkisstjórnina lifa af þótt Ögmundur Jónason hafi ákveðið að yfirgefa ríkisstjórnina. Það má öllum vera ljóst að mikill ágreiningur er um meðferð hennar á Icesave málinu meðal sumra þingmanna Vg og endurspeglar afsögn Ögmundar það. Vg getur ekki talist sameinaður flokkur í þessari ríkisstjórn lengur, bæði hefur afdrif ESB málsins og meðferð Icesav málsins klofið flokkinn í fylkingar sem erfitt reynist að sætta, það er augljóst nú. Eins og ég hef áður sagt hér í bloggi mínu þá ætlar þessi samvera með samfylkingunni í ríkisstjórn að verða Vg dýrkeypt svo ekki sé harðar kveðið að máli. Framtíð þessarar ríkisstjórnar veltur á því hvort Guðfríður Lilja og félager hennar í þingflokki Vg ætli að fara eftir sannfæringu sinni eða beygja sig enn og aftur fyrir þeim félögum Jóhönnu og Steingrími J. Sé það einlægur vilji og skilningur þingmanna Vg að fórnandi sé einum helsta forustumanni flokksins til að getað haldið þessari vitleysu áfram og að halda sömu stefnu sem fyrr í þessu samstarfi, þá mun klofningurinn í Vg einungis eiga eftir að aukast og mér er það ómögulegt að sjá hvernig Vg sem flokkur á eftir að geta komið heill út úr þessari ríkisstjórn.

Telur ríkisstjórnina lifa af