Enga leynisamninga. Öll gögn upp á borðið takk.

Það er með öllu ótækt að þingmenn fái ekki að sjá innihald þess samnings sem þeir eiga að greiða atkvæði um. Steingrímur þú og þingmenn VG hefðu ekki tekið slíkt í mál sem stjórnarandstæðingar. Þingmenn og ráðherrar VG verða að vera sjálfum sér samkvæmir þó þeyr séu komnir í ríkisstjórn. Okkur var lofað opnum og lýðræðislegum vinnubrögðum fyrir kosningar og það er komin tími til að standa við þau loforð. Ég sem félagi í VG og starfa fyrir flokkinn krefst þess að forusta VG standi við fyrirheit sín bæði í stjórnar andstöðu og í ríkisstjórn.

Ekki ríkisábyrgð á leynisamning

Hvolpur í ógöngum.

Þessum snáða hefur trúlega orðið verulega brugðið þegar hann sá á eftir hvolpinum niður um affalið. Þessir óvitar átta sig stundum ekki á afleiðingum gerða sinna en hann var væntanlega glaður að endurheimta félaga sinn aftur.

Sturtaði hvolpi niður klósettið

Loks sá svæðisfélag VG ástæðu til að minna þingmenn VG á ályktun flokksins.

Loksins sá einhverft af svæðisfélögum VG ástæðu til að minna þingmenn VG á ályktun flokksins, þá sem tekin var á landsfundinum í mars um ESB aðild, og var komin tími til. Það er með ólíkindum hvað hljót hefur verið meðal svæðisfélaga VG um þá ákvörðun flokks forustunnar í stjórnarsamstarfinu að veita ESB umsóknarferlinu brautagengi. Ég var farin að óttast að flokkssystkini mín ætluðu að láta þetta viðgangast ó átalað. Það er bara hægt að fagna því að svæðisfélögin láti í sér heyra og minni þingmenn á fyrirheitin fyrir kosningarnar um að ESB umsókn væri ekki verslunarvara af hálfu VG. Það að sumir þingmen VG ætli að greiða fyrir ESB aðildarumsókn með atkvæði sínu er með öllu                     ó ásættanlegt með tilliti til ályktunar flokksþingsins og þeirra loforða sem kjósendum voru gefin fyrir kosningar. Ég skrifaði grein fyrr í vor þar sem ég fordæmdi þessa ákvörðun og varaði við hugsanlegum klofningi innan raða VG ef mál færu á þan veg að þingmenn VG stuðluðu að því að frumvarpið yrði samþykkt. Það má vera að þingmenn VG telji sig ekki þurfa að gefa okkur félögum sínum skýringar á þessum sinna skiptum sínum og kannski erum við í grasrótinni ekki nógu merkileg í þeirra augum til að þeir sjái ástæðu til þess, sé svo þá er bara að harma það.

Þingflokkur VG hvattur til að beita sér gegn aðildarviðræðum

Eva Joly. Hennar er þörf við rannsókn bankahrunsins.

Ég skil ekki af hverju er verið að agnúast út í Evu Joly hún bendi r aðeins á það augljósa,  að það vantar manskap í rannsóknirnar svo þeim miði eitthvað áfram. Var hún annars ekki einmitt ráðin til að veita ráðgjöf við þær. Mig skal ekki heldur furða þótt henni finnist hlutirnir ganga hægt, það ættu kannski fleiri að spyrja sig hvað valdi því. Okkur veitir ekki af allri þeirri aðstoð sem okkur býðst og það frá fólki sem hefur reynslu af slíkum málum, því hér er ekki um nein einföld mál að ræða. Ég hvet stjórnvöld til að veita alla þá fyrirgreiðslu sem hægt er til að þessari rannsókn megi ljúka eins fljót og auðið er.

Ein mikilvægasta rannsóknin

Icesave skuldir.

Hefði hreinlega ekki verið full ástæða til að láta reina á dómstóla leiðanna í Icesave málinu, ég get ekki skilið betur en þjóðin sé hvort sem er á hausnum eða tæknilega gjaldþrota, getur þetta nokkuð versnað úr því sem komið er. Mér er alveg ómögulegt að skilja að Samfylkingin með suma félaga mína í þingmannahópi VG sjá enga aðra leið til að vinna okkur út úr þeim vanda sem þjóðin er í en að hlaupa í fangið á einmitt þessu sömu löndum sem koma svona fram við okkur. Af hverju ættum við að trúa því að þessar sömu þjóðir vilji semja við okkur um varanleg frávik frá ESB sáttmálanum í þeim málum sem við viljum hafa sérsamninga um er það trúlegt að þeyr geri það?  Mér finnst framkoma  sumra aðildarþjóða ESB ekki benda til þess ef haft er í huga framkoma þeirra í Icesave deilunni, eða er  kannski  verið að greiða fyrir viðræðum  með þessum gjörðum, manni er spurn.

Minnisblaðinu stöðugt veifað

Aldrei minni þátttaka í ESB þingkosningum.

Rekordlågt valdeltagande i Europa

Samkvæmt sænska fréttablaðinu Expressen ver þátttakan í ESB þingkosningunum í dag sú versta frá upphafi. Kjósendum hefur fækkað frá fyrstu kosningunum 1979 en þá var þátttakan um 62 %.  í kosningunum 2004 var þátttakan 45,5 % og í kvöld kl. 19,50 höfðu 43% af þeim 375 miljónum sem eru á kjörskrá séð ástæðu til þess að mæta ákjörstað.

Mótmæli..........

Það er farin að sækja á mig efasemdir um þessa ríkisstjórn. Fyrst samdi VG við Samfylkinguna um ESB aðildarumsókn og það þvert á ályktun flokksþings VG og fyrri loforð í kosningabaráttunni,  allt var það gert til að hægt væri að mynda vinstri stjórn og nú á að ganga frá Icesave skuldbindingunum með þessum hætti, hvað gengur mönnum til? Hefur Íslenska þjóðin efni á að borga á milli 400 og 500 miljarða fyrir þessi ósköp, hvar á að taka þessa peninga?  Er það virkilega svo að þjóin eigi að vera næstu áratugina að borga fyrir fjárfestinga fylliríið hjá þessum einkafyrirtækjum.  það á sem sagt að einkavæða gróðann en ríkisvæða skuldirnar sem þessi fyrirtæki og eigendur þeirra komu sér í, það er mikið réttlæti í því, eða er kannski verið að greiða fyrir væntanlegum aðildarviðræðum við ESB með þessari aðgerð?. Það er komin tími til að fólk láti í sér heyra og krefjist þess að sú skjaldborg sem átti að slá um heimilin í landinu fari að líta dagsins ljós í stað þess að dansa í kringum Breta og Holendinga. Það á að láta reina á réttarstöðu okkar í þessu máli, þó svo að það skelfi ESB risanna í Brussel.

 

Hugsanleg Icesave mótmæli á Austurvelli

Launþegasamtökin og ESB.

Hver verður staða launþegahreyfingarinnar innan ESB ?

Sunnudaginn 24. maí síðast liðinn skrifaði ég grein um ASÍ - Samfylkinguna og ESB. Þar kom ég inn á hið svo kallaða Vaxholms mál í Svíþjóð og afleiðingar þess fyrir launþegahreyfinguna á ESB svæðinu. Aðdragandi þessa máls var að bæjarfélagið Vaxholm í Svíþjóð ákvað árið  2004 að fara í endurbyggingu á skólahúsnæði í bænum. Gerð voru tilboðsgögn þar sem meðal annars var kveðið á um þau fyrirtæki sem áhuga hefðu á að gera tilboð í verkið skyldu skrifa undir samning við Byggnads um launakjör og aðbúnað (kollektivavtal) en  það var hinn almenna regla á sænskum vinnumarkaði. Lettneska fyrirtækið Laval un Partneris átti lægsta boðið í verkið og fékk það.  Laval hafði  þegar þetta var þegar starfað á sænskum byggingamarkaði um nokkurt skeið en þá í gegnum dótturfélag þess sem hét Baltic AB og á árunum 2002/03 hafði það veltu upp á um 20 milljónir sænskra króna.  Baltic AB hóf síðan störf við endurbyggingu skólans sem undirverktaki fyrir hönd Laval un Partneri en í júní árið 2004 hefur Byggettan samband við Baltic AB og fer fram á að þeir skrifi undir launasamninga við þá eða svo kallaðan tímabundinn kjara-eða vinnuréttarsamning (hängaftal) en það er vaninn í svona tilfellum. Byggettan komst fljótt að því að Baltic AB hafði ekki áhuga á slíkum samningi þó að þeir hafi áður undirgengist því við tilboðið að slíkt skyldi gert. Í september sama ár slitnar svo upp úr samningaviðæðum við Baltic AB og í nóvember sama ár er fyrirtækið sett í „frost" (blockad). Útilokunin stóð í einar 7 vikur og um jólin 2004 hættir Baltic AB störfum við skólabygginguna og fer til Lettlands.  Þetta mál fór síðan fyrir sænska vinnudómstólinn sem dæmdi Byggnads og LO í fullum rétti í þessum átökum,  en þar sem dómurinn var ekki einhuga  var ákveðið að sækja eftir áliti frá Evrópudómstólnum og settu fulltrúar LO sig ekki upp á móti því.  Niðurstaða Evrópudómstólsins var sú að heimilt var og er að greiða laun samkvæmt lettneskum launasamningum þó svo unnið væri í Svíþjóð. Forsenda dómsins er sú að ESB lítur svo á að þjónusta fyrirtækja og vinnuafls skal geta farið  óhindrað um ESB svæðið án hafta og afskipta stéttarfélaga í viðkomandi landi og án þess að þurfa að gangast undir kjarasamninga viðkomandi lands. Þetta á við öll fyrirtæki og launþega í ESB löndunum. Í svari sínu 25. maí 2009 við grein minni sem birtist í Mbl. 24 maí 2009 þá segir Gylfi Arnbjörnsson orðrétt:

ASÍ gerði sérstakan kjarasamning við SA 2004 um málefni erlendra starfsanna sem auðvelda okkur að koma í veg fyrir undirboð. Einnig höfum við í samstarfi við SA og félagsmálaráðherra staðið fyrir innleiðingu ýmissa reglna sem er ætlað að koma í veg fyrir að fyrirtæki geti misnotað aðstöðu sína til að ná samkeppnisforskoti með því að grafa undan lögum og kjarasamningum. Að okkar mati hefur skipulag íslensks vinnumarkaðar, þar sem saman fer mikil þátttaka í verkalýðsfélögum, samstarf við samtök atvinnurekanda um trausta kjarasamninga sem eru studdir nauðsynlegri löggjöf, reynst skila bestum árangri í að tryggja hagsmuni bæði launafólks og fyrirtækja. Aðild að ESB ógnar þessu fyrirkomulagi ekki á nokkurn hátt nema síður sé. 

Ég get ekki betur séð en að LO og Byggnads í Svíþjóð hafi talið sig vera í svipaðri stöðu á sænskum vinnumarkaði áður en til Vaxholms málsins kom. Sjá grein á heimasíðu LO. http://www.lo.se/home/lo/home.nsf/unidView/4CA5C8558AA549D2C1256F720060D909 Málalok Vaxhólms málsins hafa sett af stað mikið umrót á meðal sænsku verkalýðshreyfingarinnar sem finnst gróflega vegið að launþegum landsins og að það ógni velferð sænskra launþega. Nú í aðdraganda kosninganna til ESB þingsins þá er þróun þessara mála mótmælt harðlega af sænska Sósialdemókrataflokknum og LO/Byggnads og þess krafist að afstöðu ESB til þessara mála verði breytt eins og má sjá á heimasíðum félaganna.  Sjá: http://www.socialdemokraterna.se/Webben-for alla/EU/maritaulvskog/MediaKontakt/Artiklar/EU-kommissionens-ordforande-bor-avga/  og http://www.byggnads.se/Europaparlamentsvalet/Byggnads-argument-for-att-du-ska-rosta/  Í dag 28. maí 2009 fór hópur félagsmanna Byggnads og LO með Maritu Ulvskog í broddi fylkingar út til Vaxholms til að greiða atkvæði  til ESB þingsins utankjörstaðar. Það var gert til að minna á Vaxhólms málið og þá hættu sem þessir aðilar telji að steðji að sænskum launþegum og sænsku velferðar kerfi. Það er augljóst að Sósialdemokrataflokknum og aðildarfélög LO finnst ástæða til að óttast þessa framvindu mála. Það er mér óskiljanlegt að ASÍ skuli ekki óttast þessa þróun eða telji að hana þurfi að taka alvarlega. Hvað gerir okkur betur í stakk búna til að takast á við slík mál innan ESB en önnur aðildarlönd sambandsins?

                                                                                                                                                                                                 

Hver stjórnar peningamálastefnunni

Hver stjórnar peningamálastefnu seðlabankans? Skildi það kannski vera alþjóða gjaldeyrissjóðurinn? var hann ekki nýverið að lýsa vanþóknun sinni á fyrirhugaðri lækunn ef hún yrði og rausnarleg.

Seðlabankinn einangrar sig